21 лютага ўвесь свет адзначае Міжнародны дзень роднай мовы. Але для большасці з нас (74 працэнты паводле апошняга перапісу насельніцтва) роднай з’яўляецца менавіта беларуская мова. Роднай — значыць любімай, дарагой, самай-самай... Беларусам многія могуць пазайздросціць: у спадчыну нам засталася па-сапраўднаму ўнікальная мова. У рамках гэтага дня вучні прынялі ўдзел у квэсце “Вывучаем родную мову”. Школьнікам была прапанавана гульня, дзе яны павінны былі выконваць заданні  толькі на беларускай мове. Міжнародны дзень роднай мовы - яшчэ адна падстава задумацца аб лёсе беларускай мовы, каб яна не трапіла ў спіс трох тысяч моў, гатовых знікнуць.