Урачыста адзначыла гэты дзень і Стрыгінская школа. У класах былі праведзены інфармацыйныя хвілінкі “Слова роднае маё!”, дзе вучні пазнаёміліся з гісторыяй узнікнення Міжнароднага дня роднай мовы. Для старшакласнікаў праведзена педагагічная майстэрня “Слова”. Там гучалі вершы аб роднай мове, прыказкі і прымаўкі, выказванні знакамітых паэтаў і празаікаў. Вучні пісалі свае словы-пажаданні роднаму слову, тлумачылі значэнні розных слоў, пісалі міні-сачыненні пра слова, складалі сінквейны. Для вучняў было праведзена мерапрыемства "Адкрываю нанова беларускае роднае слова...", дзе вучні вучыліся паважліва адносіцца да роднага слова. Для вучняў 5-7 класаў была праведзена алімпіяда "Пазнаю цябе, родная мова".