15 снежня ў Стрыгінскай школе адбылася літаратурная сустрэча з журналістам і паэтам
Маргарытай Іванаўнай Гаравой. Сустрэча была тэматычнай. Яна прысвячалася Ніне Мацяш. 19 снежня споўніцца 10 гадоў са дня смерці нашай зямлячкі. На мерапрыемстве гучалі вершы Ніны Язэпаўны ў выкананні вучняў школы. Важнай часткай сустрэчы была размова з Маргарытай Іванаўнай на тэмы напісання вершаў, творчасці ўвогуле. Вучні школы агучылі вершы паэтэсы, а таксама падзяліліся сваімі творчымі скарбамі.